ABSTRACT
And redy aye for to be chaungeable! What folk most trust in thy stormy face Lyke theyr desyre the fully to embrace, 4080 Than is thy joye away to tourne and wry the Upon wretches thy power for to kythe.- Recorde on Troylus that fro the whele, so lowe By false envye thou hast overthrowe Out of the joye whiche that he was inne, From his lady to make him for to twynne Whan he best wende for to have be suryd. And of the woo that he hath enduryd I must nowe helpe hym to complayne, Whiche, as his herte felte so great payne, 4090 So inwarde wo and so great distresse, More than I have cunnynge to expresse Whan he knewe the partynge of Cryseyde, Almost for woo and for payne he deyde; And fully wyste she departe shall By sentence and Jugement fynall Of his fader gyven in Parlyament. For whiche, with wo and tourment all to rent, He was in poynt to have fallen in rage That no man myght apease nor aswage 4100 The hyd paynes whiche in his breste gan dare. For lyke a man in furye he gan fare, And suche sorowe day and nyght to make In complaynynge oonly for hir sake; For whan he saw that she shulde aweye He lever hadde playnely for to deye Than to lyve behynde in hir absence; For hym thought without hir presence He was but dede, there is no more to sayne. And into terys he began to rayne 4110 With whiche his eyen gan for to bolle. And in his breste the syghes up to swolle And the sobbynge of his sorowes depe, That he ne can but rore and wepe: So sore love his herte gan constrayne.2
