ABSTRACT
8 Good men and woymen, þys day is callet yn holy chyrche Sonday yn Quinquagesin. Þen schull 3e know þat þys word quinquagesin ys an nowmbur of fyfty, þe wheche nowmbur by-tokenyth remission and ioye. For yn þe old lawe, ych fyfty 12 wynter, all men and woymen þat wern sette wyth seruice and bondage, þay wern made fre in gret ioy and murth to hom. Wherfor þys nowmbur bygynnyth þys day, and endyth yn Estyrday, schewyng pat yche godys-seruand þat ys oppressyd wyth 16 tribulacyon, and takyth hit mekely yn his hert, he schall be made fre yn his resurrecyon : þat ys yn þe day of dome, and be made þe ayre of þe kyndome of Heuen. And 3et yn more confort of all Godys pepull 1 yche fyfte 3ere, þe pope of Rome grauntyþe 20 a full remyssion of all synnys to yche man and weman þat comyth to Rome þat 3er 1 . But for all men may not come þedyr and haue þys pardon, þerfor þe Pope of Heuen, Ihesu Cryst, of his specyall grace grauntyþe all men and woymen full 24 pardon of hor synnys yn hor deth-day, so þat þay woll kepe by hor lyue þre þyngys þat ben nedefull to hom. Þe wheche ben þese : full contricion wyth schryft, full charite wythout feynyng 2 , and stabull fayth wythout flateryng. And, sothly, wythont þes 28 þre, þer may no man haue pardon at Rome ne elleswher.
