ABSTRACT
12 Goode men and woymen, such a day N. 3e schull haue an hygh fest yn holy chyrch þat ys callyd þe Assumpcyon of our lady, þat ys yn Englyech, þe takyng vp of our lady. For þat day scho was takyn vp into Hevyn, and now ys helpe and socoure to all þat 16 callen to her wyth full hert. Wherfor 3e schull fast þe euyn, ych man and woman þat is XII 3ere old, ych mon as his deuocyon techith hym, and aftyr he ys bedyn do by his scheryft-fadyr. And on þe morow 3e schull come to þe chirch, and worschip oure 20 holy lady wyth all your myght and conyng. Then schull 3e know well þat þys assumpcyon was don worschipfull, and joyfull, and also holy, þat ys, boþe yn body and yn sowle infere.
