De Mikac[u]lis Beate Marie.

12 Ther was a man on a time þat ⁵ lant to anothur man iiii s of money to an certeyn day, þat he schuld payen hym a3eyne. And so þat day com and ⁶ passyd fer oure, þat he schulde han payed þe man þat lant hym þe money. And so hyt happut on a day þat 16 þis man mette þat othur man þat aght hym money, and bad hyt hym ; and he sayde þat he had payed hym, and swore fast þerto. And þe othur man sayde: nay, he payed hym no peny. And þis man pursewod þe oþur be þe lawe, and he sayde he wolde swere on 20 a boke þat he hadde payed hym þat money; and so þat oþur man þat lant þat money lette hym sweron falce on a boke. And þer-fore anone as he com homwarde, he fel syk, and hys spryte was berafte oute of hym too dayes and too nygthes. And hyt was so 24 þat hys spryte com þeros he segh God ryght os he was done on þe rode, wyth blody woundys ryght þo ⁷ bledyng, wyth nayles in hys handys and in hys fette, wyth hys crowne of thornys on hys hed. And God lokud so sterne on hym, þat alle þe sygthes þat 28 eure he sawgh, he was neure so sore aferde ; for he wolde haue kropon into þe erthe, and he hadde mythe. And þan God askud hym why he hadde made hym forlorne þat he dere boght for þat gode þat he sende hym, ‘for þou haste madon hym to sweron, and 301made hym forlorne body and soule.’ And þan he commawnded serteyne servauntes of hys to gone and skorge hym and beton hym; and so þei dudun, and made hym so sore þat too 3ere aftur and a half he lay in hys bede seke. And whan þe sprythe com to hym 4 a3eyne, he tolde vche man þerof and bad hym be ware of þat poynte for euremore aftur.

Aliud miraculum de Sancta Maria.

[MS. Harl. 2403.] 8