ABSTRACT
Si hume est sein sa urine est devant manger ruge, apres manger blanche. Urine crasse e truble cum urine de asne signefie dolur del chef proceinement a venire Urine enfievres al setime jura terminee, si al quart jur est blanche et al secund jur ruge, signefie garisun. Urine que est crasseb e mult blanche si cum cele que est 5 de mutes humurs signefie a venir fevere quarteine. Urine que est sanglentee signefie la vessie estre blescee de aucune purreture que ait dedenz lui. Urine carcive e blanche cum fust velue signefie Ie mal des reins. Urine que semble pudrus signefie la vessie blescee. Urine que chet par gutettes e si noue desure cum ampulles lunge 10 enfermete signefie. Urine que noue sure une crasse reelee ague [e] lunge enfermete signefie. Urine a femme pure e clere, si al urinal lust cum argent e cele femme suvent vomist e si n'ad nul talent de manger, signefie la femme estre enceinte. Urine a femme blanche e pesante e puante signefie dolur des reins e Ie mariz 15 plein de mal e de enfermete de freit. Si urine a femme eit escume
de sanc desure e est clere cum ewe, signefie dolor del chef e talent de dormir e de manger aver perdu pur Ie enOeure de I'estomac. Urine de femme que est del peis e de la colur de plum signefie la femme enceinte e signefie Ie mariz purri. Urine de femme que 20 est enOe e que ad la tusse e la menisun, si el est de colur de lin, signefie que la femme ne puet pas estre seine. Si devez cunustre par les urines les maus a jofne cors equant vus les avez cunu, si purrez ver medscines encuntre. E pur ceo que hummes sunt de divers qualitez, encuntre chescun mal i ad plusurs medscines e ore 25 cumencerunt, primes al chief e pus as aultres membres.
