ABSTRACT
Chiere seur, pour ce que vous estans en I'eage de quinze ans et la sepmaine que vous et moy feusmes espousez, me priastes que je espargnasse a vostre jeunesse et a vostre petit et ygnorant service jusques a ce que vous eussiez plus veu et apris; a laquelle appreseure vous me promectiez d'entendre songneusement et 5 mettre toute vostre cure et diligence pour ma paix et amour garder (si comme vous disiez bien saigement par plus sage conseil, ce croy je bien, que Ie vostre) en moy priant humblement en nostre lit, comme en suis recors, que pour I'amour de Dieu je ne vous voulsisse mie laidement corrigier devant la gent estrange ne devant 10 nostre gent aussi, mais vous corrigasse chascune nuit, ou de jour en jour, en nostre chambre et vous ramenteusses les descontenances ou simplesses de la journee ou joumees passees et vous chastiasse s'i1 me plaisoit; et lors vous ne fauldriez point a vous amender selon ma doctrine et correption et feriez tout vostre 15 pouoir selon ma voulente, si comme vous disiez. Si ay tenu a grant bien et vous loe et scay bon gre de ce que vous m'en avez dit, et m'en est depuis souventesfoiz souvenu.
