ABSTRACT
Trés haulte, puissant et trés redoubtee Dame, vostre excellent dignité ne veuille avoir en desdaing ne despris la 5 voix plourable de moy, sa povre serve, ainz daingne encliner a notter les parolles dittes par affeccion desireuse de toute bonne adresce, non obstant que sembler vous pourroit qu’a si·povre, ignorant et indigne personne n’appartiengne se chargier de si grans choses. Mais comme ce soit de commun 10 ordre que toute personne souffrant aucun mal naturellement affine au remede, si comme nous veons les malades pourchacier garrison et les familleux courir a la viande, et ainsi toute chose a son remede.
