ABSTRACT
Marito defuncto sine liberis, si se uxor ipsius asserat impregnatam, ob spem future sobolis indiuise debet hereditati cum suo legittimo defensore xxti septimanarum spacio preuidere. Quo transacto tempore, si ueracium matronarum intuencium uentrem ipsius testimonio spem future prolis constiterit inanem fuisse, omnia, que in hereditate sunt mobilia uel se mouencia uel immobilia precio tempore matrimonii comparata, equis sunt partibus diuidenda, medietate heredes defuncti proximos cum prediis, que propria ipsius fuerant, et uxorem altera cum suis prediis contingente; probacione, per duorum testimonium et duodenum ab aduersario nominatorum xiicim de probantis progenie iuramentum, affirmanti, non neganti partum post uiri obitum procreatum seu adeptum baptismatis sacramentum seu parenti superuixisse, si super aliquo istorum casuum oriatur questio, incumbente, non uxore, sed ipsius defensore iurisiurandi religionem exhibente.
