ABSTRACT
The Hystorye Sege and Dystruccyon of Troye Desyrynge aye that she myght dye Rather than parte fro hym out of Troye, Hir owne knyght, hir lust, hir lyves joye, That by hir chekes the terys downe distylle, And fro hir eyen the rounde droppes trylle, And all fordewed have hir blacke wede, And eke untrussed hir heer abrode gan sprede Lyke to golde wyre, forrent and all to tome, Yplucked of and nat with sherys shome .... And aye amonge hir lamentacyowne Ofte sythe she fyll in a swowne downe, DedeIy pale fordymmed in hir syght, And ofte sayde: Alas, myn owne knyght, Myn owne Troylous, alas, why shall we parte? Rather let deth wyth his spere darte Thorugh my herte and the veynes kerve, And with his rage do me for to stryve Rather, alas, than from my knyght to twynne. And of this wo, 0 deth, that I am inne, Why ne wyIt thou come and helpe make an ende? For how shulde lout of Troye wende, He abyde, and I to Grekes goon, There to dwelle amonge my cruell foon? Alas, alas, I wofull creature, How shulde I there in the werre endure, I wretched woman, but my selfe alone Amonge the men of armes everychone?
