ABSTRACT
He tak'th 2 the harpe, and in his wise He tempreth, and of suche assise Synginge he harpeth forth with all, That as a voyce celestiall Hem thought it sowned in her ere, As though that it an angell were. 790 They gladen of his melodie,3 But moste of all the companie The kynges doughter, whiche it herde, And thought eke of that he answerde, Whan that it was of her apposed, Within hir herte hath well supposed, That he is of great gentilnesse. His dedes ben therof witnesse, Forth with the wisdome of his lore, It nedeth not to seche more. 800
Whan he hath harped all his fille, The kinges hest to fulfille, Aweie goth dishe, awaie goth cup, Doun goth the borde, the cloth was up, Thei risen, and gone oute of the halle.
