ABSTRACT
24 Goddy8 owne seruandys, as 3e know well, þys day ys called New-3erus-day, as endyng of þe 3er þat ys gon, and begynnyng of þe 3ere þat ys comyng. Wherfor, as I hope, 3e ben comen as 28 þys day to holy chyrch, forto contynue your seruice forth þys 3ere als well oþer bettyr þat comyþe, as 3e dyddyn þe 3ere þat ys gon, wythouten any new cownant makyng. For a good seruand þat hath a good maystyr, he maketh but onys 5 cownant wyth 32 hym, but soo holdeth forth from 3ere to 3ere, hauyng full tryst yn his maystyr þat he woll for his good seruyce reward at hys ende 45and at his nede. Now right soo Goddys seruandys maketh couenant wyth hym, onys at þe fonte when þay ben jcrystenet. And soo holden forth hor couenantys, hauyng full tryst yn hor God þat he woll at hor endyng 1 be hor socoure, and 3euen hom 4 auauncement in his court of Heuen. Then schull 3e þat ben Goddys seruantys, know wele þat þis day ys called New-3eris-day, and also þe circumsicyon of oure Lord, and þe vtas of þe natyuyte.
