ABSTRACT
24 Good men and woymen, suche a day 3e schull haue a hegh fest yn holy chyrch þat ys callet þe conuersyon of Saynt Pole; þat ys yn Englysche: þe conuertyng of Seynt Pole. For þat day, he 28 was conuerted from a curset tyrand ynto Goddys seruant, from an hegh || man and a prowde ynto a meke man and a devot, and 32 a from þe deuellys dyssypull ynto Goddys holy apostoll. Soo, for þis man was so yturnet from all wyckednesse ynto all goodnesse, 32 yn gret strengþe and helpe to holy chyrch, þerfor holy chyrch halewoþe his conuersyon. And soo þay doþe of non oþer seynt, 53but only of hym. And þat ys for þre skylles : furst for gret myracull yn hys turnyng, and for gret joy yn his defendyng, and for hegh ensampull in amendyng.
