ABSTRACT
Good men and woymen, 3e schull all know well þat þys day-is called Sonday yn þe Septagesin. Then for enchesen þat holy chyrche ys modyr to all cristen pepull, scho taketh hede to hyr 28 chyldern as a good modyr ouyth forto do, and seyth hom all sore seke yn þe sekenes of synne, and mony of hom wonded to deþe wyth þe swerd of synne. Þe wheche sekenesse þay haue caght all þys 3ere before, but namely þes Cristynmasse-dayes þat 32 wern ordeynet in holy chyrche for gret solempnyte. For yche man schuld þat tyme make more solempnyte, and more bysyly, and more mekely, and more deuotly serue God þen any oþer 63tyme of þe 3ere; for cause þat God schewed all mankynd thelke dayes hegh swetnes of his loue, þat he wold lowen hymself so, forto be born yn þe same flesche and blod as on of vs, and was layde yn a cracche more porly þen any of vs, and aftyr was 4 folowed yn watyr as won of vs, and come to a weddyng, hymself and his modyr wyth his dyscypuls, forto halow weddyng. and forto clanse hit of synne all forto make vs holy, and breþern to hym, and ayres of þe blysse of Heuen. 8
