ABSTRACT
Good men and woymen, as 3e se holy chyrch vsyþe þes þre dayes, forto say seruyce in þe euentyde in derkenes. Wherfor hyt ys called wyth you teneblus ; but holy chyrch callyþe hit 4 tenebras, þat is to say, derkenes. Then why þys seruyce is don in derkenes, holy fadyrs wrytyþe to vs þre skylles. On skyll ys, for bycause þat Crist þys nyght, before þat he was taken, he 3ode þries ynto þe hull of Olyuete, and prayde his fadyr to put 8 away þe hard payne þat hym was toward, yf hit wer his wyll and elles not ; and soo, for drede of þe passion þat he feld in his spyryte comyng, he swat blod and watyr. Anoþyr skyll ys, for anon, aftyr mydny3t, Iudas gedyrd l knyghtys, strong and 12 bold, wyth oþyr gret company of mysdoers, and comen forto take Crist. But for hyt was derke nyght, and þay cowþe not well know Crist by Saynt Iame þat was soo lyke to Crist, þat he 69 a was callyd Cristys brothyr, lest þay || hadden taken lames ynsted 16 of Crist, Iudas bade hom take hym þat he kyssud. And soo wyth a kysse belrayde hys maystyr. And so token Crist all in darkenes, and dydden hym all þe despyte and vylany yn bobbyng and spyttyng yn hys louely face. The þryd skyll ys, for when 20 Crist was naylet fote and hond, hongyng on þe cros, þre oures of þe day from vndure to none, þe sonne wythdro3 hyr ly3t and was darke þrogh þe world, schewyng þat þe maker of ly3t payned þat tyme to deþe. 24
