ABSTRACT
Cristen men and women, 3e schull vndyrstond þat Crist þys 8 day sched hys hert-blod for vs. As 3e all knowen wele, þys day is called Good Fryday ; for all þyng turned þe pepull to good þat Crist þys day suffryd for hom vndyr Pounce Pylat. Then, for hyt ys oft sene, all euell bygynnyng haþe a foule endyng, wherfor 12 we se now how þys Pylat bygan and how he endyd ; and for he began cursetly, he endyd wrecchedly. For as Seynt Austyn sayth : ‘A cursyd lyuyng before, askyþe a cursyd endyng aftyr ; and he þat for3etyþe God in his lyuyng, he schall for3ete hymself 16 yn his endyng.’
