ABSTRACT
Good men and woymen, such a day 3e schull haue Seynt Marcus 28 day, þat was on of þe foure þat wryton þe gospellys, and prechet hom to þe pepull. Then was þys Marke furst an heþen man, but aftyr he was folowet of Seynt Petyr and soo sewet Petyr 79 a long aftyr, tyll he was full ta3t || in þe byleue. And when he 32 was full ylurned of Cristys fayþe, þen Seynt Petyr made hym goo and prech þe pepull Godys word. And for he was soo holy a man, þe pepull allgate wold make hym a prest, he, for gret 136mekenes of hymselfe, made to kyt of his þombe; neuerþeles when God wold haue hyt, Seynt Petyr wyth gret instaunce made hym to take þe ordyr of prest. Then was he besy day and ny3t 4 forto prech Godys word to þe pepull; and all þat he sayde wyth worde, he confermed wyth good ensampull and wyth doyng of myracles.
