ABSTRACT
90 b 24 Cristen men and woymen, Setyrday þat next comyþe, as 3e knoweþe well, ys Whytson-euen, 3e schull all fast and come to þe chyrche, forto here and se þe seruyce þat ys þat day don yn holy chyrche. Þerfor 3e schull all make you redy and clene yn soule, 28 þat 3e mow he abull þat day to recyue þe Holy Gost þat þe Fadyr of Heuen senduþe among all monkynd. Wherfor I pray you and charche you, yf any of you ys fallen into any greues synne, þat he come to me and clanse hym þerof, er þen Sonday 3 com; and 32 156I wyll be redy forto helpe, in all þat lyþe yn me, forto do wyth good wyll wyth þe grace of God. For takeþe in certeyne: ry3t as non of you woll goo ynto a place þeras stynkyng caren ys, but 4 stoppyþe his nase and hyþe hym þens; ry3t soo þe Holy Gost fleþe from þe soule þat ys combryd wyth dedly synne, and all angeles, wyth stoppyng hor nosys, for moche more and fouler stynkeþ dedly synne yn hor noses þen doþe any foule kareyn yn our 8 noses. And ry3t soo þe Holy Gost fleþe from hom þat ben combret wyth synne; ry3t soo he hyuþ to þylke þat lyuen in clannes of body and soule, and ben yn charite to God and to man, and han mercy yn hert and compassion of hom þat ben yn 12 myschef and doses. To suche þe Holy Gost comyth, such he vysetyþe, suche he loueþ, wyth suche he haþ lust and lykyng forto abyde, and techeþ hom, and conforteþ hom yn all nede. But at þe seruyce of þat fest he ys mor present þen any oþyr 16 tyme ; for at at þest all holy chyrche halowþe of hym, and specyaly calluþe to hym for help and grace and part of þe dole þat he makeþ, þen to all hom þat ben abull to receyue hys 3iftys.
