ABSTRACT
32 Goode men [and] woymen, such a day 3e schal haue an hie fest yn holi chirch of Seynt Petyr and Saynt Pole, Godys chefe apostols. 187Wherfor 3e schul fast þe evyn, and on þe morow come to þe chirche and worschip God and his holy apostols. Then schul 3e take hede 107 b how þat Crist wher || þat he syttyþe, he hath Petyr on þat on syde and Powle on þat oþer syde, and he hath hys wondys opyn and 4 bledyng, schewing l to ych man and woymon þat he suffyrd þylke wondys þat byn fyve wellys of mercy yn v partys of hys body for soch men and woymen as Petyr and Poule werne. Wherfor ye schul know well þat þes ii apostyls werne grete synners pasyng 8 mony oþer. But for þay laftyn hor synne, and werne sory þerof, and 3uon ham aftyr to 2 good lyuyng, God toke hom to hym yn ensampull to al oþer, and made hom as a schoer to al oþer synfull, schowyng wele þat, as he tok þos too men to hym aftyr hor 12 repentans and set hom next to hym, soo wyll he take al oþer þat wyll leue her evyl levyng and take to amendment. And as glad as þe Fadyr ys forto see þechilde ryse from deþe to lyfe, soo glad ys Crist, and moch mor, forto se a mon to ryse out of dedly syn, 16 and nevyr aftyr do hit mor. Wherfor Powle hath a sworde, and Peter hath þe keys of Heuyn, schowyng þat al þat wyll by ensampull of Powle kut away wyth þe sworde of confessyon the cheynes of dedly synne, and neuer aftyr do hyt whiche byndyth 20 a manys sowle to þe fende. Petyr ys redy to opyn þe 3eate of Hevyn, and bryng hom into þe blys þat euer schal last. Þen schul 3e know þat Powle was fyrst so he3e and fers a3eynys holy chirch and all þat seruyd Crist, þat non durst dele wyth hym. 24 But aftyr he laft þat malice, and þeras he was befor fers and cruele, aftyr he was gracyous and mercyable; and þeras he was befor high and prowde of hert, aftyr he was lowe 3 and vndyrlyng 4 to al Godys seruantys. 28
