ABSTRACT
Good men and woymen, þys day ys an hygh day and an hygh 28 fest yn all holy chyrch, þe heghest þat ys of our lady. For þys day, as holy chyrch makyth mencyon, Crist, Goddys Sonne of Heuen, and our one lady dere sonne, þat was borne of hur blessyd 130 b body and fosterd wyth hur brestys, þys day haþe || taken vp our 82 lady yn body and in sowle ynto Heuen, and set hur by hym yn hys trone, and crowned hur qwene of Heuen, and emper ice of helle, 228and lady of al þe world. Wherfor þys day al þe angels comyn byfor hur, doyng to hur al þe reuerens and seruyce þat þay cowþe, as þay owdyn to do to hor qwene and hor Lordys modyr. This 4 dey also þe seyntys þat wern yn Heuen comyn wyth processyon a3eynes hur, beryng rosys and lylius of paradise yn tokenyng þat scho ys flowre of woymen and lylly of virgyns, and so dyddyn vmage to hure. Thus al þe angels and þe seyntys yn Heuen 8 wern so gretly ioyet of hur come, þat þay madyn all þe myrthe and melody þat þay cowþe, al yn honowur and worschyp of hur.
