ABSTRACT
Good men and woymen, such a day N. 3e schull haue an hegh fest yn holy chyrch þat ys callet þe Natiuyte of our lade, þat ys 4 yn Englysch, þe byrþe-day of oure lady; for as þat day scho was borne of hyr holy modyr, Saynt Anne, yn a blessyd tyme to all cristyn pepull. Wherfor 3e schull on þe morow come to þe chyrche, and worschip our lady, and hur holy fadyr, Seynt 8 140 a Iobachym, and Saynt Anne hur modyr. For hit ys yn||possybull to me to telle þe ioy and þe gladnes þat þay haddyn yn hor hertes þat day, þat þay seen hor child borne for þe wheche þay hadde twenty 3ere byfore pra yde, nyght and day, to God, and dalton 12 moche worldes goode yn almes. And þerfor þay haddyn by certeyne reuelacy on of God þat scho schuld be holy and 1 ples God passyng all oþer woymen. And also, by þe byrþe of hur, þe gret repreues þat þay haddyn suffirde so longe tyme for hur barennes, 16 þen was put away, and from þens furth þay 3eodyn bo[l]dely amonge oþir of hur lynage wyth worschip and honoure. Thus þe byrthe of þys do3tyr gladut þe fadyr, and þe modyr, and all oþer neght-burs about. Wherfor, fore God had 3euyn hom fryte of hur bodies 20 by grace more þen by kynd, all hur neghtburs comon forto comfort Anne, and callyd hur doghtyr Mary; for so bad þe angyll er þat scho was getyn.
