ABSTRACT
28 Blessyd pepyll of Goddys mowth, þat byn comen þys day to holy chyrehe yn worschyp of God and þys holy martyr, Seynt Steven, þat ys eallet Goddys fyrst martyr, for þe enchesen þat he was þe fyrst martyr þat sufferd deth for Crystys loue, aftyr þat 32 he was ascendet ynto Heuen. Then, forto ster you to deuocyon þe more to þis holy martyr, 3e schull now here what he sufferd 27for Crystys loue. As þe boke of þe dedys of þe apostoles tellyth, whan Cryst was styet vp into Heuen, þe apostoles tentedon all to prechyng of Goddys wordes and to holy prayeours, and myght not serue all þat turneden to þe fayth, þay chosen syx holy men 4 and goode out of syxty and ten þat wern Crystys dyscyples forto helpen hom yn Goddys seruyce. Of þe wheche Seynt Steven was þe fyrst and þe wysyst, and was full of grace and myght of þe Holy Gost, þat he dyd mony wondres and myracles yn þe pepyll. 8 But, þagh a man be neuer soo holy a lyuer, 3et he schall haue enmyes.
